Concert Organising Comtt. ten International Artiste/Band chah chhuah tumin hma an la mek a, hemi azir hian concert dan tur la siam fel tur a ni ang

MTKP2010 Concert Organising Committee te chuan Sap ram lam (International) Artiste emaw Band emaw chah chhuah tumin tunah hian hma an la mek zel a, he an hmalakna a zir hian concert neih dan turte, neih hun turte, a hmun turte leh pawisa sen ngai zatte, lo inbuatsaih dan tur thlengin a danglam dawn a, hemi tihfel a nih hnu ah hian Concert neih dan tur ruangam zawng zawng hi chiang zawk in siamfel thuai a ni ang.

Concert Organising Committee te hian chak takin hma an la mek zel a, vawi-1 meeting nei tawh in sum leh pai dehchhuah dan turte uluk takin an ngaihtuah mek zel a ni. An ni Committee hi sum tuaktu lian tham tak an ni dawn a, ngaihdan leh duhdan thawh duhte tan pawh hetah hian thawh theih reng a ni e.

News Bulletin 'MTKP2010' tih chu ahmasaber atan 10/05/09(Sun) khan tihchhuah a ni a, Bial hrang hrangah Unit tin a semdarh leh tura thawn darh a ni

MTKP Inkhawmpui, 2010 lo awm tur atana inbuatsaihna chikhat ni bawk leh, kan inbuatsaihna chanchinthar leh hmalakna chi hrang hrang, Mizoram hmun hrang hrang a TKP Bial hrang hrang leh Unit hrang hrangte'n kan lo hriat zung zung theihna a tana News Bulletin buatsaih "MTKP2010" chu Dt. 10/05/09 (Sun) khan ahmasaber atan tih chhuah a ni ta a, Bial hrang hrangah thawn chhuah a ni.

He News Bulletin lo hmulote chuan MTKP2010 Committee hrang hrang leh Coordination hruaitute hnenah hriattir zel nise, rawn thawn leh zel a ni ang.

MTKP2010 Souvenir T-Shirt design phochhuah a order tum a ni ta a, May thla chhungin zawrh chhuah hman beisei a ni

Dt.8/05/09 (Friday) zan dar 7:00 a Information & Publicity Committee meeting neih chuan thil pawimawh tak tak an rel a, Souvenir tur chi hrang hrang T-shirt chungchangte, Notebook leh Pen chungchangte, Kit/Bag chungchangte, Roadmap leh a thlawna sem tur chi chungchangte thil pawimawh tak tak an rel a ni.

T-Shirt chi hrang hrangte chu May thla chhunga zawrh chhuah hman tum a order theih inbeisei a ni a, a vawikhatna atan chuan 500 chauh order rih nise, tichuan a tlachawp a order belh zel ni bawk se tih a ni. T-Shirt design hrang hrangte chu a hnuai a mi ang hian DEMO/SAMPLE chu entheih a ni.

Hmeichhia









Mipa:

NEICC Annual Session Vawi 72-na neih a ni dawn a, Pu Remlalsiama, he pawl President leh TKP Coodination Comt. Chairman ni bawk in a kaihruai ang

Dt. 13-17/5/09 atang hian NEICC Annual Session Vawi 72-na chu Chaltlang Vengthlang Presbyterian Biak In-ah neih a ni dawn a, he hun-ah hian NEICC President ni mek Pu Remlalsiama, TKP Coordination Chairman ni bawk chu palai in a kal dawn a ni.

He rorel hian NEICC hming thar put leh put loh tur chungchangte pawh an ngaihtuah tel dawn a ni.

MTKP2010 Editorial Board informal Meeting neih a ni

Vawiin Dt. 3/5/09 (Sun) hian MTKP2010 News Bulletin "MTKP2010" Editorial Board-te chuan informal meeting an nei a, hetah hian thu pawimawh tak tak sawi hovin, tih tur hrang hrang leh hmalak dan tur hrang hrangte inhrilh hriat na hun an nei a ni.

Tin, "MTKP2010" hi ahmasaber atan Dt.9/5/09 (Sat) hian tihchhuah an tum a, an tum dan hmasa zawk, tunkar a tih chhuah an tum chu I&PR in an advertisement thenkhatte a No. an la pek fel theih loh avangin an thulh rih a ni.

MTKP2010 Organising Committee Meeting chu Tuesday zan ah hian neih tur a ni

MTKP2010 Organising Committee Meeting chu Dt. 5/5/09 (Tuesday) zan ah hian neih tum a ni a, hetah hian thu pawimawh tak tak rel tur engemawzat a awm dawn a ni.

Blog hi i hmangtangkai ang u

mtkp2010.org chu a Host na thlak tum a hmalak mek a ni a, min host tu te pawh in min lo hriatthiam kan beisei bawk a ni. Tin, blog lam hi kan update reng tho avang hian website chauh nilo, hmun hrang hranga mtkp2010 service kan dah hi i hmang tangkai vek ang u.

MTKP2010 news SMS a dawng duhtan: ON mtkpnews tih type a 9870807070 ah thawn top tur

MTKP2010 chungchanga news awm zawng zawngte SMS atanga dawng duh tan chuan:
ON mtkpnews tih type in, 9870807070 ah thawn tawp tur a ni.

Internet atanga he gropu join duh tan http://labs.google.co.in/smschannels/subscribe/mtkpnews ah hian join theih a ni

MTKP2010 Office peihfel a ni dawn ta

Vawiin Dt.1/5/2009 (Friday) khan MTKP2010 Office tur atana ruahman Baptist House, Executive Secretary Office, Khatla-a siam tur a tih chu vawiin khan Committee peng hrang hrang member-te'n hnatlangin an tifai.

He MTKP2010 Office tur hi Baptist House hnuai ber dawttu niin, committee peng hrang hrang-te'n Meeting neih nan te, lehkha pawimawh lut leh chhuak tihfel nan te, thuthar awm ang angte chak zawka in hrilh hriat a nih theih nan hman tur a ni a, a hmang taikai turte chu TKP member zawng zawngte kan ni tih hriain, MTKP2010 chungchang a hriat duh kan neih te chu he MTKP2010 Office atang hian awlsam taka hriat zung zung theih a ni ang.

MTKP2010 Office-ah hian Printer, Laptop, Steel Almirah te dah tum mek a ni a, Steel Almirah hi a to tham deuh avangin Coordination Committee in an la ngaihtuah that a ngai dawn a ni. Thutna tur Chair mamawh a ni a, heng mamawh hrang hrangte hi leina tur pawisa a harsat deuh avangin hruaitute rilru a kal kual nasa hle a, mahse a hun taka che thin Pathian chuan min pe leh dawn a ni tih hi kan ring tlat a, kan tawngtaina a ni bawk a ni.

MTKP2010 atan Laptop lei a ni

Vawiin Dt.1/52009 (Friday) hian Coordination Committee leh Organising Committee te rawtna angin MTKP2010 lo awm tur a hman atan Laptop 'DELL Inspiron' lei a ni. He Laptop hi MTKP2010 Offcie, Baptist House-ah dah a ni anga, Committee peng hrang hrang ten an mamawh apiang in an hmang thin dawn a ni.

Information & Publicity Committee te chu he Laptop hmang tangkai ber tura ngaih an ni a, an ni hian mawhphurhna engemawzat chu an la dawn a ni. A lem a tarlan hi MTKP2010 atana kan Laptop lei chu a ni e.

Heng Laptop-te nei thei a min siamtu Pathian hnenah lawmthu awm rawh se.

mtkp2010.org install that a ni

MTKP2010 website www.mtkp2010.org chu kan Host na neitute'n nimin Dt. 26/4/2009 atang khan OS Installation an tih thar avangin hman theih loh in a la awm a, website visit tum zawng zawng te chungcha in hriatthiamna kan ngen a ni.

Hun reilote hnu-ah website hi visit leh theih anih thuai beisei a ni a, tunah hian Server neitute nen kan in be kual reng a, hei hi kan thu neihna piah lam a nih avangin lo nghah phawt mai hi kan tih tur awm chhun a ni a, phunnawi mai lo a, hrethiam tak chunga lo nghak hram hram turin visitors leh users zawng zawng te kan in ngen tak meuh meuh a ni.

He website hi nimin vek, Dt. 26/4/2009 khan Pu Remlalsiama, Chairman, Coordination Committee chuan Pathian hnen-a hlan in a hawng tawh a, tluang tak leh regular taka a kal zel theih tawh kan beisei a ni.

- Information & Publicity Committee,
MTKP2010

Information & Publicity Committee Meeting Vawi-2na neih a ni

Dt. 21/4/2009 zan dar 7:00 khan Chanmari Baptist Biak In-ah Information & Publicity Committee meeting vawi 2-na neih a ni a, Meeting hi Convener Pu V.Laikhuma, Ramhlun 'N' in a kaihruai a, Member 23-atangin mi 11 an kalkhawm thei a ni.

Thu pawimawh tak tak rel a ni a, Inkhawmpui Souvenir atan T-Shir, Pen, Notebook leh Bag (Inkhawmpui Kit) siam nise ti a meeting hmasa in a lo rel tawh chu hmala tu turte in ruat a ni a, meeting leh hun-ah kimchang takin a siam dan tur leh a nihphung turte, a man zat awm ang tur te leh a siam zat turte heng mawhphurtu te hian thehlut ngei se ti a thurel a ni.

Tin, Dt.26/4/2009 a BCM Kanan Biak In a Committee peng hrang hrangte inhmuhkhawm tur chu ngaipawimawh a kal vek tum nise ti a thu dah a ni bawk a, heng bakah hian thu pawimawh tak tak, thil hrang hrang tam tak an rel bawk a ni.

Committee peng hrang hrang te inhmuhkhawm chungchang

Dt. 26 April, 2009 hian committee peng hrang hrang, Information & Publicity, Transport Committee, Electricity Committee, Sound Committee, Decoration Committee, Pandal Committee, Refreshment Committee, Reception & Ushering Committee leh adangte chu Organizing Committee leh Coordinination Committee te nen a huhova meeting neih tum a ni a, hei hi kan tawngtaina ah te hria ila, ngaihdan in ang lo tak tak, mihrang hrang kalkhawm tur kan ni a, Pathian thlarauthianghlim awmpuina meeting kan neih theih nan i dil ang u.

Webiste peih fel tep tawh a ni

MTKP2010 website http://mtkp2010.org kha kan han siam chhuak a, engemaw fello deuh awm a kan hriat avangin siam that leh mek a ni a, he website siam hna hi ngawrh taka kalpui mek a ni. A rang thei ang ber a peih hman tum a ni a, 15 Apr, 2009 vel hi chuan peih hman kan inbeisei.

Lungrem inhlawhna

Lungrem hnathawh mek a ni a, heta tang hian sum engemawzat chu hmuh beisei a ni. A enkawltute chungah lawmthu kan sawi a, mi hrang hrang in thil chi hrang hrang kan tih ho loh chuan he inkhawmpui lo awm tur hi a hlawhtling tak tak thei dawn lo a ni. Kan duhna te leh kan tumna te Pathian hnenah thlen zel ila a nin a lo ti zel mai dawn a ni.

MTKP2010 atan a inhlawhfakna neih mek a ni

MTKP2010 lo awm tur ah hian sum tamtak mamawh a ni a, heng sum mamawh te hi TKP Unit hrang hrang leh Bial hrang hrang atanga budget leh target siam te chuan a phuhruk zo dawn lo hle a, hemi avang hian Organizing Committee leh Coordination Committee te chuan inhlawhna zawng in tunah hian Building sak hna te thawh mek zel a ni.

He Building sak mek hi June thla vel hi chuan zawh hman beisei a ni a, a enkawltute'n uluk tak leh taima tak in an enkawl mek zel a ni.